كالعاده حياتي ممله,,مفيش جديد,,احم احب اعرفكوا بنفسي الاول
أنا عمر 18 سنه تالته ثانوي O.o
حكايتي تبدا من اول ما بدات بالظبط!! اول ما كنت في تالته ابتدائي و الفصل واقف عليه بنت اسمها خلود و ولد اسمه محمد صلاح و بيكتبوا في اسامينا عشان كنا بنتكلم,,! ببص جنبي لاقيت نص الفصل مضلم و بينزل مطر و قاعد جنبي هذا الكائن "الاساحبي"بسنانه المكسره و اللي نصها اسود و فيها اخرام و فتحت كتير و اول كلمه قالهالي,,ازيك اساحبي..ناهيكم طبعا عن الغبار اللي طلع من بوقه على غازات سامه على حاجات لونها بني و احمر
المهم اتعرفنا على بعض و اتكلمنا,,واتكتب اسامينا و جت المدرسه"الميس يعني"و جت ضربنا لاقيت اساحبي بيقولي مالك خايف ليه كده اساحبي خش اتكل على الله,,مكنتش لهجة طفل في تالته ابتداااااائي اصلا انا اتخضيت قولت ازاي !! فضلت ابصله كتير وهو مفيش اي ري اكشن من ناحيته غير البصه الغريبه بتاعته بس :(
انا قلقت اوي مش من الضرب لا من اساحبي,,بس مع مرور الوقت اساحبي اتغير وبقى انسان نضييييييييييييف طلع كل الحاجات المعفنه اللي جواه وبدا يغير نفسه,,,قصدي اللي حواليه لدرجة انهم مش حاسين انهم اتغيروا و فاكرين لحد دلوقتي انهم هما اللي غيروه,,طبعا بعد ما نص الشعب المصري اتعدى بقى اساحبي فشخ عاوزين ايه اكتر من كده يعني اساحبي ده بقى وباء في المجتمع وفضل اساحبي يمشي معايا كتير لحد ما بقى اساحبي الانتيم -_-
والحكاية تبتدي من هنا,,
في يوم من ذات الليالي وانا نايم و بحلم حلم جميل و الهدوء حواليا الاقي اساحبي بيتصل بيا قبل الفجر و ببص الاقي اكتر من 100 ميزد كوول على 40 رساله والاقي اللي بينادي تحت بيتي,,اعمرررررررررر اعمررررر قولت اما اطلع اشوف الجعر اللي بينادي بره ده ,لاقيت اساحببي جاي بالعربيه ال128 اللي سارقها من ابوه و ابوه اصلا واخدها تخليص حق -_-
ويقولي يلا نصلي الفجر,,طبعا متوقعين النظره اللي على وشي انا قفلت البلكونه و دخلت اوضتي ولقيت الباب بيخبط عليا.اساحبي: ايه اساحبي ينفع كده يعني انادي عليك و متردش مش ركوله دي على فكره اسديكي
أنا:عاوز ايه يا عم ع الصبح انت
هو:بي ابطاي
انا: إيه؟
هو:العب باليييييييييييييه
أنا:يلا ياد يا ابن الـ,,,,,,,,,,,,,
هو: ايه اساحبي مالك بس قافش كده ليه ده انا عاوزك تسلي الفجر معايا اساحبي
أنا:كتر خيرك اانا فعلا حاسس اني مقصر في الصلا
هو:شوفت بقى اساحبي الا السلاه اساحبي انا ممكن اعمل اي حاجه بس الا اني افرت في السلاه اساحبي
أنا:بس انت مبتركعهاش يا عاطف و فالح بس تيجي,,,,,,على ,,,,,,,اهلي ع الصبح كده
هو:يلا اساحبي بس قوم اغسل وشك عشان مزنوق في حوار كبيرررر
أنا:ما انت كده كده بروح اهلك صحتني من النوم هنزل و امري لله استني اتخانق معاهم جوا عشان اعرف انزلك
هو:اسلي اساحبي
:انا و عاطف ماشيين في الشارع:
أنا:خلاص يلا نروح بقى اهو الناس طالعه و خلصوا صلاه
هو:طب اساحبي يلا نتمشي شويه عاوزك في موضوع
أنا:احكي يا عم عاااطف ماهي سنه باينه من اولها
هو:بس اسيدي أنا امبارح كنت داخل البيت سكران طينه و مش شايف و لاقيت ابويا خارج بيتمشي في الصاله قمت رزعته حتة علقه و قولت حرامي و كل العماره اتلمت علينا ومحدش فاهم في ايه اساحبي وبعدين فوقت لاقيت ابويا بيزعقلي و ضربني اساحبي بس انا مسكتلووش غزيته في قرعته اساحبي جاب دم ااه امال ايه طبعا
انا:وبعدين يا عم عاطف يعني انت بتسكر و بتعور ابوك و عاوز تصحيني تنزلني اصلي الفجر!!
هو:استني بس وبعدين انت مش عارفه اانهم
سألوا حكيم الحكماء ما هو مفرد خوازيق ...قال: ليس لها مفرد... كلها بتيجي مع بعض!
يعني اناا في حاجات تاني,,البت اداره اساحبي كانت عاوزه تشتري عده سيني قمت سرقت 130 جنيه من ابويا شافني وانا بسرق مسكنا في بعض تاني و غزيته في قرعته التانيه,
أنا:هو ابوك عنده كام قرعه يا عاطف
هو:احم,,اتنين اساحبي
أنا:وبعدين يا عاطف كمل,,
هو:عاوز 3000 جنيه اساحبي افتح سايبر
أنا :وانا كمان تصدق تعالى نشوف حد يسلفنا احنا الاتنين
هو:انت هتروش اساحبي
أنا:امال انت بتعمل ايه يا عاطف يعني 3000 ايه دي اللي انت عاوزهم
هو:هنسرق بنك اساحبي و نبقى اغنيه وتجيب الاي باد و الاي فون ابو كامرتين اساحبي
أنا:تفتكر هنعرف
هو:عيب عليك اساحبي
تتبع,,,!
