هؤلاء جعلوا من المحنة منحة ! لنتعرف اليهم

كان الشيخ خالد الأزهري يعمل في الجامع الأزهر و كانت مهنته أن يشعل السرج - جمع سراج - في الجامع و في مساء أحد الايام وهو يمشي في الجامع وبيده الزيت تعثر في جسد رجل مستلق في المسجد فقال للشيخ خالد غاضبا و مستهزئا :

انتبه يا شيخ الأزهر ! فأسرها الشيخ في نفسه و قال : والله لأكونن كذلك ... و ما هي إلا سنين من الجد و الاجتهاد إلا و الشيخ خالد قد صار شيخا للأزهر !!

- عانت أجاثا كريستي صاحبة القصص البوليسية الشهيرة من مشاكل فهمها لقواعد اللغة كما عانت في صغرها من تهجئة الحروف لكنها و بكلمات التشجيع من أسرتها تجاوزت محنتها و قد طبع لها أكثر من 500 مليون نسخة من قصصها البوليسية الشهيرة !!

- ماركوني يوم أعلن عن أنه اكتشف وسيلة لنقل الرسائل عبر الهواء ! جاء أصحابه بعد سويعات وحجزوه للفحص في مستشفى الأمراض العقلية ! لكن الرجل كان قد آمن يقدراته ولم يعبأ بمن حوله من المحبطين فاخترع الراديو عام 1901 ثم اللاسلكي 1910 فأين من اتهموه بالجنون !!

- الاخوان رايت - مخترعا الطائرة - لا قت أول محاولتهما للطيران سخرية الناس فاتهموهما بالجنون ! فمن منا اليوم لم يركب الطائرة !!

- والت دزني ...كان محررا لإحدى الجرائد و بعد مدة وجد نفسه مطرودا من العمل بسبب ضعف الافكار التي يقدمها هكذا برر رئيس التحرير سبب طرده لوالت ديزني !! وقد نهض والت بمشروعه ديزني لاند لكن أفلس خمس مرات قبل أن يكتب له النجاح الذي در عليه مليارات الدولارات !!

- هل سمعتم عن الكاتبة البريطانية رولينج انها مؤلفة سلسلة هاري بوتر لقد كانت امرأة عاطلة عن العمل لا تكاد تجد قوت يومها طردها زوجها هي و ابنتها من المنزل فلجأت لأختها التي شجعتها على كتابة قصص الأطفال عرضت قصتها الاولى على اثني عشر ناشرا رفضوها جميعا ! لكن الناشر الثالث عشر باري كننجهام وافق على نشر مغامرات هاري بوتر ... و اليوم صارت الكاتبة رولينج أغنى حتى من ملكة بريطانيا نفسها !!

دوس هنا..لسه مخلصناش!

للتخلص من كثرة التفكير في نقد الناس و إساءاتهم

هل يضايقك الكلام السلبي من الآخرين ؟

من منا لم يمر بهكذا موقف ونحن نعيش في مجتمعات سلبية !

رسولنا الكريم صلوات الله و سلامه عليه مر بهذه المواقف أيضاً فأعطاه الله حلاً يتغلب به على كل هذه المضايقات !

* الخطة العلاجية التي نتحدث عنها ورد ذكرها مرتين في القرآن الكريم في موضعين مختلفين و بصيغتين مختلفتين ولكن بنفس المعنى و بنفس المراحل ..

الموضع الأول: قال تعالى: "فاصبر على مايقولون، وسبح بحمد ربك قبل طلوع الشمس و قبل غروبها، ومن آناء الليل فسبح و أطراف النهار لعلك ترضى{130}" سورة طه

الموضع الثاني: قال تعالى: "فاصبر على ما يقولون، وسبح بحمد ربك قبل طلوع الشمس وقبل الغروب {39} ومن الليل فسبحه و أدبار السجود {40}" سورة ق

ركزوا في الخطة العلاجية المذكورة في الآيتين الكريمتين

1. الصبر

2. التسبيح بعد صلاة الفجر وقبل الشروق

3. التسبيح قبل الغروب

4. التسبيح في الليل

5. التسبيح بعد الصلوات

الخلاصة: للتخلص من كثرة التفكير في نقد الناس و إساءاتهم عليك بالصبر و الإكثار من قول "سبحان الله و بحمده، سبحان الله العظيم" في الأوقات المذكورة ..

* احتفظوا بهذه الرسالة إن أردتم ، سنحتاجها يوماً و نرجع إليها .

« لا يستطيع أحد أن يحشو قلبك بالسعادة مادمت ترغب بالحزن !

ولا أن يبكيك ما دمت ترغب بالضحك ..

كل ما يدور داخلك لن يتحكم فيه أحد غيرك !»

لِذلكَ ،

« المتفائل ليس آعمى و لآ وآهماً يعيش في آلآحلام !

و إنما هو وآقعي يدرك آن آلحياة بقدر مآ فيهآ من آلمشكلآت يوجد إلى جوآرها حلول !»

دوس هنا..لسه مخلصناش!

الابعاد الثلاثية للحظات .. من أجمل ما ستقرأ

 

جلس رجلان على نفس الكرسي في محطة القطار .. ينتظران

أخذوا يقلبون أعينهم يمنة ويسره - يشغلوا نفسهم عن ملل الأنتظار -

فوقعت أعينهم على طفل صغير بدأ يجهش بالبكاء خائفا وعيناه تبحث في وجوه المارين عن ملامح أمه 

نكس الرجل 1 رأسه فهذا الموقف يذكره بطفولته البآئسه وبكائه الحارق في صغره ويتمه 

- حتى غرقت عيناه بالدموع وغرق قلبه بالغيظ - وغرق عن الوآقع 

وعلى الجانب الاخر ارتسمت ابتسامه على وجه الرجل 2 .. فالشئ الذي سيعود لأجله اسرته التي تنتظره منذ سنتين

ربما يكون ابني في نفس عمره .. هل تغيرت ملامحه هل نسيني 

سـ أعوضه عن غيابي .. وسـ أحرص على تعليمه في أفضل المدارس ووو ..

وغرق في أحلامه 

وبينما هذا غارقا في الاحلام وذاك في الماضي والمارِّين مُتهربين منه لكي لا يتورطوا ..

أتت الأم إلتقطت طفلها الباكي 

وألقت عليهم نظرات اللوم .. انتهى الموقف ؛؛

أحياناً تمر علينا مواقف بخياراتها اللا نهائية تشدنا من كل جانب .. فنتشتت 

وتضيع منا اللحظة .. 

نفقد التركيز على ماهو صواب ومهم الآن .. ونُمرر الحياة بشتى مواقفها بشكل جامد - دون معنى –

في أعمالنا أياً كانت ؛؛

نذهب كل يوم نفعل الشئ نفسه الذي فعلناه بالأمس – وبطريقه روتينيه مُتوقعه – ثم نعود 

ونفقد لحظة لذة العطاء والابتكار والمعرفة

في المنزل ،،

تمر اللحظات ونحن ننتظر قرار خروج أو انتظار وجبة ممسكين بأجهزتنا .. وتمر الاوقات بدون ان ندرك مدى أهميتها

فنفقد لحظات الحب والدفء

في العبادات ،،

نفعلها كما هو مكتوب ومسموع بدون روحانية .. ننشغل عند أداءها بما فات أو ماهو آتٍ

فنفقد لحظة الراحة ولذة الايمان

يقول مصطفى محمود [ أريد لحظة انفعال ؛ لحظة حب ؛ لحظة دهشة ؛ لحظة 

اكتشاف ؛ لحظة معرفة ؛ أريد لحظة تجعل لحياتي معنى .. 

إنَّ حياتي من أجل أكل العيش لا معنى لها ، لأنها مجرد استمرار ]

عندما نعيش ونعمل على هدف نبيل .. ونستجيب لما هو مهم الان .. ونعيش اللحظة بمعناها 

عندها نكون اكثر قدرة على القيادة والادارة والصداقة والحب

واكثر قوة و ثقة للتعامل مع المواقف

واكثر سعادة وراحة

سيكون للحياه طعم جميل 

فـ .. لحظات الماضي ماهي إلاَّ خبره لهذه اللحظة الحاضرة التي نبني بها لحظات مستقبلنا 

عش لحظتك في مهنتك .. عش لحظتك في ادارتك

ستبدع 

عش لحظتك في صلاتك .. عش لحظتك في دعائك ..

سترتاح

عش لحظتك في أسرتك .. عش لحظتك في مجتمعك

ستعطي

استمتع باللحظة الحالية .. والرضى بالحاضر وما فيه من نعم واستمتع بعطائك 

بدون القلق على الماضي والمستقبل

فالماضي ما هو إلا لتتعلم منه .. والمستقبل ماهو إلا بوصلة تريك اتجاهاتك 

ليس لنعيش فيهما ..!

• أعجبني سرد الكاتب سبنسر جونسون بـتوضيح كيفية استجابتك تعتمد على الهدف :

[ * عندما أريد ان اكون اكثر نجاح واكثر سعادة .. يكون الوقت قد حان لأن تتواجد في اللحظة الحاضرة .

* وعندما أريد ان يكون الحاضر افضل من الماضي .. يكون الوقت قد حان لأن نتعلم من الماضي .

* وعندما اريد ان يكون المستقبل افضل من الحاضر .. يكون الوقت حان لصنع المستقبل .] 

حرِّكْ لحظاتك الثلاثية " ماضي – حاضر – مستقبل " بطريقة واقعية وعقلانية 

~ تستفيد منها بأبعادها الثلاثية دون ان تفقد معناها ؛؛

و أطيب اللحظات والأمنيات لكم بالسعادهـ

دوس هنا..لسه مخلصناش!

كيف أعرف أن شخص يكذب

كيف أعرف أن شخص يكذب
القدره على كشف الكذب تعد من المهارات شديده الفائده فى زمننا هذا مع وجود كثير من الناس عديمى الامانه, المشكله التى يقع فيها كل من يحاول تعلم كشف الكذب أنهم يعتدموا على أشياء مثل لغة الجسد أو حركه العين و بالرغم من ان هذه الاشياء مفيده الا انها غير كافيه للحكم على شخص ما اذا كان يكذب ام لا, ان اردت كشف الكذب فعلا فعليك ان تبحث على الكثير من العلامات قبل ان تحكم على شخص ما.

كشف الكذب؟
من علامات الكذب:

جسد جامد: الشخص الذى يكذب فى الغالب سيتجمد جسده بسبب رغبه عقله الباطن فى جعله غير لافت للانتباه
تغير فى سلوكه الطبيعى: لكل منا سلوك معين يتبعه فى مواقف معينه, فمثلا لكل منا طريقه معينه فى الاجابه على الاسئله أو التواصل مع الناس, حينما يكذب الشخص ففى الاغلب سينحرف عن سلوكه الطبيعى هذا
القلق: أبحث عن علامات القلق اذا اردت ان تعرف اذا كان شخص يكذب عليك. هذه العلامات هى الحركه الكثيره, اللعثمه, العرق و التنفس بسرعه
معدل البربشه: حينما يقلق الشخص فان البربشه تحدث بمعدل أكثر من الطبيعى
اللعثمه:كلنا نخطىء أثناء الكلام و لكن حينما يزيد معدل الخطأ خاصه عند المواجهه فذلك قد يعنى أن الشخص يكذب
الانتباه الشديد للكلام: الكلام ببطىء شديد على غير العاده و الانتباه لكل كلمه يقولها الشخص اثناء التحدث قد يعنى انه يكذب و يحاول الا يتطق بما يفضحه

دوس هنا..لسه مخلصناش!

الدنيا حلوة و زي الزفت!

الانسان غريب بطبعه جدا! و ده كلام قديم جدا برده! ايه يعني غريب ما احنا عارفين...؟! مستنين سيدتك يعني يا عم عمر عشان تقولنا انه غريب و تفضل تحكي و ترغي و تبؤ في الكلام الفاضي ده :| انت مش لاقي حاجه تعملها على فكره يا عمر! :| يعني صاحي الصبح في وقت متاخر و بتكتب كلام اصلا جديد و اهو بتكلم نفسك يعني بكلمك..نفسك بتكلك تفتكر حد هيقرا ده -_-
ما علينا بس كنت عاوز اكلم في حاجه كنت عاوز الناس..او ناس معينه! او شخص معين بعينه يشوفها ايا كان مش قصدي :)
بس الواحد مننا..الانسان يعني لو حصلتله حاجه لمدة ثواني و حاجه جميله و تفرح اووي يقول الدنيا دي جميله جدا بجد انا بحب الدنيا دي و يكون طاااااااااير بالدنيا و مش بيفكر خالص ان بيكون في لحظات حزن بيسب و يلعن فيها اليوم اللي اتولد فيه و عرف حاجه اسمها دنيا..!
بس تعالوا نفكر بس الدنيا اصلا لازم حلو و وحش و لازم ناس حلوة و ناس وحشه عشان لو في ده وده هنقدر لما نلاقي الحاجات الايجابيه في الانواع اللي قولتها..مش معقوول تخيلوا بس حياتنا كده كلها ايام حلوة وبس..كلها حلوة فين الايام الوحشه طيب اللي هتخلينا نعرف ان دي حلوة! اصلا هنعرف مني كلمة وحشه ساعتها مش هكون بكتب ده ولا بصدعكوا بيه :|
ما علينا..بس ربنا بيجيب ده عشان لو كل الايام حلوة هننيسي اكيد ان احنا نقول الحمدلله الايام دي حلوة اوي بس ربنا عاوزنا نفتكره..عاوزنا نقول الحمدلله احنا هنقول الحمدلله ان في ايام حلوة عدت و ان دي مصيبه جت و عارفين جت ليه! عشان يجي بعدها ايام حلوة يعني كده كده المصيبه دي حاجه"عناب"بس بتكدر! دي المشكله ايه يفرق طيب الحزن عن السعاده مش الاتنين شعور شعور للانسان بيجيله يعني دي حاله ودي حاله في نفس الاتجاه بيعبر عن شعور الشخص مش بنفرق بين النخله و كوباية عصير القصب مثلا!
ليه بنظلم الحزن طيب ماهو هينفع نظلم السعاده! اهو الانسان كده مش فاهم عاوز ايه وانا اولكوا ببص للحزن انت لييييييه جيت دلوقتي انا عاوز سعاده بس بيفرحني انه بيؤدي دوره في صمت و بيسمع لكل الالفاظ المنيله بستين نيله و يؤدي دوره في انه يحسسنا السعاده لما تيجي و يمشي تاني بابتسامه كده غريبه على وشه اكنك بصيت لطفل صغير عاوز لعبه و هو مصدع اهلك و قارفك و بيعيط..و عاوز الموبايل بتاعك..وتقوم مديله الموبايل بعد شويه و تبصله كده بصه اهو خدت يا خويا اللي انت عاوزه؟اتهد بقي و يا ريته بيتهد..بيفضل يضحك و يتنطط و يقرفك و يطلع عين اهلك اهو ده بالظبط اللي بنعمله في الحزن..صفه منبووذه بنشتم و نسبلها و نتريق عليها و هي ماشيه مش بنديها اي مبالاه غالبا  و نضحك و نكمل بس ببص و افكر كمية السعاده اللي بيحس بيها الحزن لما بيادي مهمته بياديها بشكل تام :) يخليك حزين اووي و يوصلك لدرجه الياس و الاحباط و كل حاجه عشانك بس عشان تفرح اوي من الخير اللي انت ممكن تشوفه قليل لو فضلت مبسوط :)
لازم نطلع كل مره بدرس مستفاد يعني الحزن هي السعاده متخفيه في رجل يرتدي قناع حزين وبيمثل دوره باتقان عشانك عشان تفرح بعد كده بس :)
....
"الثقة بالنفس كلام فارغ ..سوف يدھشك كم الأشیاء التي لا تعرفھا أو لا تجیدھا .. المھم أن تثق
بقدرتك على أن تكون أفضل .." :)






الادمين..عمر

دوس هنا..لسه مخلصناش!

لحظــــــــه في حياتك بتفرق

لحظه..اهمية اللحظه في حياتنا :) بتفرق كتير اوووي اللحظه دي الاربع حروف دول بيغيروا ممكن حياة شخص..متوقفه عليه حياة جيل بحاله..ايوة جيل :) ممكن تفرق لو حصلت لحظه معاك حلوة فكر كده هتلاقي اللحظه دي مهمه اوي..شوف ممكن كان يحصل ايه في اللحظه دي تخلي ده ميحصلش! شوف حياتك كانت هتاخد مسار تاني ازاي,,فكر في كل ده هتلاقي اللحظه دي مهمه اوي في حياتك لو كانت هتديك وظيفه معينه او هتقابل انسان معين,,او هتصارح انسان انك بتحبه و مش هتقدر تستغنى عنه و نفسك تعيش حياتك كلها معاه تبقوا سوا عـ الحلوة و عـ المره سوا,,دلوقتي بقى احمد ربــك على اللحظه دي,,الحمدلله

من خواطري:عمر محمد

دوس هنا..لسه مخلصناش!

شوية حاجات جوايا..

عارفين احساس مخنوق..عشان مش عاوز تتخنق! او انك اصلا مش عاوز ده كان حصل..او حاجه حصلت فيها شك و الشك انت اتسرعت و اتصرفت على اساسه! او ان حد قريب منك اوي عمل حاجه تزعلك..هتقولي طيب لو عمل حاجه تزعلك ممكن تسامحه اقول اه عادي بسامح بس لازم اطلع اللي جوايا :( 

عادي كل واحد و شخصيته..و اظن ان لو حد قريب من حد هيفهم ان دي شخصيته و هيتقبلها زي ما هو لو هو فعلا عارف هو ايه وقت الزعل حتى لو كان قاسي اوي عليه او عمل حاجه تزعله..عارف انه وقتها هتسامحه..و اكن مفيش حاجه حصلت..ويمكن يتاسف.. :) 

بس حد فكر ليه بنتضايق من اول المشكله يعني ليه مش بنستني لما نتاكد..

بس يمكن سبب التسرع ده سبب..يمكن التاني حاسس انه مبقاش موجود..او عارف بس في عقله الباطن بس في حاجه موجوده..حاجه معلمه لحد ما يثبت العكس في المواقف اللي هنمر بيها بس دي مشكله..
والحل فيها صعب؟؟!

متهيالي ممكن و ممكن..!

اولا لازم نتعرف ع الشخصيات يعني هنفترض انهم اتنين..شخصين مع بعض

الاتنين فكرين و نظام تفكير و اسرار و مواقف و حاجات كتيرررررر اوي

بيكون تصادم افكار..هنقسم ده لحالتين في حاله ان الاتنين دول اصلا فاهمين بعض و حبهم لعبض"صديق او حبيب او حد من الاهل"
ممكن ساعتها يقدروا يفهموا بعض ايه في دماغهم ايه عاوزينه هيقدروا بس اللي محتاجينه الدافع افهموا بعض,,ممكن يكون من نظره عين او من كلمه او من هديه او من حاجه اتقالت زمان افتكر حاجه حلوة..والله مش صعبه طالما بتحبه حاسس انك ممكن تسامحه تعمل اي حاجه..اصلا مش المفروض يكون في كلمة تسامح لانها حاجه في اصلكوا :) امال ايه يعني حب؟؟! حتى لو حد اتعصب..بس بينه و بين نفسه "بحبك بس عاوز بس ازعل عشان عاوز/احس بخوفك على زعلي"
في بقى الطرييييييييق الاصعب اتنين اصلا زعلوا بعض بس مفيش بينهم حكايه اللي هو هفهمك من غير ما تتكلم..او اسكت كفايه بس انك ابتسمت..لا عاوز اعتذار و اعتذار كبير و تفكر هتفتكر تسامح الشخص ده ولا لا! وتعد تشوف كلامه و تتحجج باي حاجه عشان عاوز اعتذار اكبر..ده حب بس حب قاسي اوي و بيكون من اشخاص غالبا مش صحاب ممكن زمايل او معرفه او حد عرفته بس..زي مثلا معتقد ان اي حد هيتعامل معاك هيبقى"رجوله"معاك وفجاه تلاقي حد..معرفتك بيه سطحيه اوي و حصل كمان كذا موقف يزعلك!!

هتلاقي نفسك اتضايقت عشان وقعت منك فكرة الرجوله من بعض الناس مبقتش عارف تثق في الناس كلها حاسس بخوف..
زي اللي بيحب بنت..تسيبه ممكن يحب غيرها واثق ميه في الميه انه هيحبها حب اول كمان..
بس لو حصل نفس الموقف هتتهز ثقته في انه يحب او يرتبط اصلا هيحس انه ممكن يحصل تالت..
دول مثالين طبعا كل واحد اكييييد شايف امثله كتير قدامه ...
بس اهم حاجه نقرر في كل موقف..حاول تغير و ليها معاني كتيرررررررررر

                                                                                                                               من خواطري:عمر محمد

دوس هنا..لسه مخلصناش!

كيف تجعل ابنك متخلف عقليااااا

      

بسم الله الرحمن الرحيم

الموضوع في غايه الخطوره والسفاخه والشلاخه..ومهم جدا ...لو حريص علي ابنك..اقراه من اوله لاخره

-----------

تبقي البنت " اربع سنين " واقفه علي كرسي في المطبخ....بتحاول تغسل اطباق..مساعدة لامها

تيجي امها زي الغول المتوحش..!! : بتعملي ايه يخربيتك .....انزلي من هنا ...انزلي !!!!!!

تتسائل البنت في جوف قلبها وعقلها ..لماذا ؟؟ ...فتقرر انها

...

تسأل امها : لماذا ؟؟؟

تقول لها امها : انت عايزه تكسريلي المطبخ....اياكي اشوفك هنا تاني !!!

فيتكون سلبيا عند الطفله محاولتها لمساعده امها.....هي مجرد تكسير للمطبخ..ومتعملش كده تاني

------------

يكون الاب جالس ..يتناقش مع محسن بيه " راجل مهم " .. فيقولو .والله احنا كزا كزا بس مرضيناش نكزا كزا

..عشان كزا كزا وحش متجيبوش منه

فيجي ابن الاب ..الصغير ذو السبع سنوات قائلا : طب متجربوا كزا بالجبنه ..حلو والناس بتستعمله !!!!

فيرد عليه الاب..كتنين ذو مئه واربعين جناح كوري الصنع : انت بتتكلم ليه !! انت مش شايفني انا وعمو بنتكلم كلام كبار ؟!!

الابن المسكين يتسائل في جوف قلبه وعقله : انا بتكلم ليه ؟؟ قبيح انا يعني عشان متكلمش ...

وبعدين كلام كبار ايه ...بيتكلموا في كلام قبيح بردو....ده انا عارف اكتر منهم !!!

ويتكون عند الطفل سلبيا.....عدم مشاركه ابيه ومحسن بيه وغيره ..من المناقشه والحوار

والا يفكر مره اخري في حلول مثل ال " كزا بالجبنه" لانه تكون عنده ان تفكيره في حل مشكلات .....ما هي الا ...... " قباحه "

----------------

يجلس الطفل المسكين في غرفته - طفل تاني مش بتاع محسن بيه -

فتدخل عليه والدته الغرفه ..لكي تبحث عن شيء ما ..

فيقول لها ..: ماما ..انا عايز نفكر انا وانتي نعمل مشروع كزا كزا كزا

ماما : هههههه يا حبيبي انت لسه صغير...لما تكبر يا حبيبي نبقي نفكر تعمل مشروع

ركز دلوقتي في دراستك

ملحوظه : دراستك ..المتعلقه بكل ما هو متخلف في المدرسه ..يصب لدي الاولاد صب...عشان الولد يبقي متخلف

....

يكبر الولد ....ماما انا عايز نفكر انا وانتي وبابا نعمل مشروع كزا كزاكزا ..وانا معايا التخطيط

ماما : يا حبيبي لما تكبر...ابوك مش فاضي وانت لسه صغير...ركز في دراستك واخلص منها الاول يا حبيبي

وبعدين ابقي اعمل الي انت عايزه ..ان شاء الله تولع في نفسك

دراستك : مرحله اكثر تخلفها من سابقيها

.....

يكبر الولد فحت ...ماما ..انا بفكر انا وبابا نعمل مشروع كزا كزا ..والارباح هتكون كزا كزا ..وده هيساعدنا في تخطيط لشركه كبيره ان شاء الله

ماما : بص يا محمود يابني..انت تخلص دراستك وتتخرج..وبعدين تشوف مع ابوك ..انا ماليش دعوه بالحاجات دي يابني ...دراستك وشهادتك اهم من الي انت بتقولو ده

دراستك وشهادتك : اي خريج ذو شهاده ..يكسب لقب عاطل بدرجه امتياز

يتسائل الشخص الكبير..المتكون في داخله طفل حزين منكسر : ايه العيله المنيله بنيله دي ...مش عامل مشاريع..وان شاء الله عني ماعملت حاجه

-----------------------

طفل ذو اربعه سنين او اقل او اكثر.....يكون مش عايز ينام ...

تيجي امه وهيا شعرها منكوش كده..وحالتها

حاله : لو منمتش هجبلك ام رجل مسلوخه ..وابو رجل مسلوخه...وام عبايه مشلوحه ...وابو ايد مسلوؤه !!!!!!!!

الواد يعيني يجيله تخلف ذهني لا ارادي..عن عالم الاشباح الي هوا عايش معاه ده .." ايه ام عبايه مشلوحه دي ؟ "

طفل تاني :

امه تيجي تقوله : بص يا حبيبي متعملش كده ..عشان العو هيجي ياكلك ..وتبقي واوا ..ونجبلك هايفا تبوس الواوا

--------------------------------------------

المثال الاخير ..والاكثر انتشارا ..وبعديها تحليل منطقي

يكون مثلا الاب والام بيتكلموا في حاجه خصوصيه " وليكن مصروف البيت "

يجي الابن يتدخل في حاجه ..يقوم حد منهم - الاب او الام - وليكن الاب

الاب : بس انت !!!!

يتسائل الطفل : بس ليه ؟؟

الاب : ملكش دعوه ..خليك في حالك !!

الطفل : ليه بردو ؟؟

الاب : ده انت عيل رخم صحيح..هو كده ملكش دعوه انت " ويقوم يسفخه المين "

----------------------------------------

قد نفعل اشياء...لا ندرك مدي خطورتها..........

تيجي الام او الاب....في مرحله مراهقه ابنهم....يتسائلون...

" ليه الواد مبيشاركنيش في الحوار "

" ليه الواد مبيفكرش بطريقه منطقيه "

" ليه البت مش عايزه تساعدني في المطبخ "

" الواد طالع غبي ليه ...لا انا ولا امه اغبيا " - ده هو الي مقتنع بكده -

ولكن في الاصل.....هم الذين لم يربوا في اولادهم.....التواصل او الذكاء او او او

يظل الطفل يعامل معامله الطفل حتي يبلغ مرحله المراهقه .....ملازم يطلع متخلف طبعا !!!

اكثر الناس ذكائا واستيعابا للامور...هتلاقي وهما صغيرين.....والديهم..بيعاملهم علي انهم اذكياء..او كبار

ده بينمي الذكاء لا ارادي في العقل الباطن...انت بتتعامل انك ذكي....فلازم تطلع ذكي

انما الابهات والامهات الي فوق ...بيعاملوا الطفل ..انه تافه ولا له اي لزمه..ومينفعش يفكر

ومينفعش يتواصل مع والديه ..في اي شيء....فيطلع الواد متدمر يا حبه عيني !!

وفي تصرفات بنيه طيبه بتتفهم غلط من عند الطفل

يبقي الواد عنده اربعه سنين ..وامه تقوله : يا خلاااااااسي كوتي كوتي كوتي انجيغغغااا !!!

الواد يقول في نفسه : عبيطه دي ولا ايه ...مبتتكلمش عدل ليه ..اتخرست !!

في الحقيقه الواد مبيقولش كده جوا نفسه ..انما هو بيتقبل انه يتعامل ك عبيط

فبيطلع عبيط ...

الواد بردو كام سنه...بيبقي ماشي في بيتهم ..تطلع امه زي الغول وتقوله " بخ !!!!! "

الواد يتسرع يعني....يخاف من امه بعد كده

الواد يجي يشتكي لابوه حصل كزا كزا في المدرسه....يبوه يقوم يرنه علقه ..تعرفه ان الله حق

طبعا مش هيجي يشتكيلك تاني !! ..وهيبقي عنده قصر تواصل مع الناس

وبالتالي هيطلع متخلف

ناصر عفيفي - والدي رحمه الله عليه -

هو سبب اني بكتب المقاله دي دلوقتي

كان من صغري..يعاملني علي اني ذكي ..ورجل كبير...وذو شأن

كان بيتكلم معايا في السياسه من و انا اربع سنين ..

كنت متقن الكمبيوتر واوامر " الدوس " من وانا خمس سنين

كنت بخش علي النت من وانا عندي ست سنين.." كان ساعتها النت بالزمبللك "

كان ممكن ياخدني ونخرج بليل انا وهوا رحمه الله عليه ...ويقعد معايا كانه قاعد مع واحد صحبه

وكان بياخدي ديما مع صحابه الي بيخرج معاهم..ولما اجي اناقشهم ..يسمعولي كاني فرد منهم

لما تيجي تعامل ابنك علي انه غبي ..حتي لو كان في اقصي صغره..لازم يطلع غبي

الحل والنصيحه وكل حاجه حلوه :

هتخسر ايه لما تسمع لابنك .في رأيه ....ولا حاجه

هتخسر ايه لما تعامل ابنك علي انه راجل وقد المسؤوليه..وله صوت مسموع ...نو ثينج = No Thing

هتخسري ايه لما بنتك تيجي تساعدك في المطبخ..وتكسرلها طبق..مش مشكله خد الشر وراح

واحتويها وعرفيها ازاي متكسرش طبق تاني.....والبنت هتحبك وتساعدك لما تكبري وتعجزي ومتلاقيش الي يشيلك

حينما تنهي ابنك عن شيء ما مثل : اسكت انت !!!

وضح له السبب..ويكن سبب مقنع..حتي ميقفلش منك..وميحبكش..وميتواصلش معاك تاني

..والنصيحه الاهم والاكثر اهميه :

دائما عامل ابنك علي انه ذكي - ولكن احذر الغرور - ..عامله علي انه قادر علي التصرف في المشكلات

واذا احتاج مساعده ف انت موجود..عامله علي انه من اذكياء العالم..في حل كل شيء..

عامله انه محلل سياسي يستطيع مشاركتك في مناقشاتك السياسيه وغيرها

عامله علي انه يتملك عقل رهيب...حتي يمتكله بالفعل في المستقبل

واجعل تواصلك انت وابنك ..تواصل صداقه ..وليس تواصل ممارسه سلطه

وصدقني...هيطلع من اذكياء العالم

ملحوظه : رجاء نشر هذه المقاله ..اكبر قدر مستطاع..في المدونات و المنتديات..حتي تعم الفائده..لان هذا الموضوع مؤثر وشاءك وحساس

م ل ط و ش  من جروب : خرب و احنا نصلح

دوس هنا..لسه مخلصناش!

لكل اللي مش بيحب يذاكر..!

1. 

كلنا محدش بيحب المزاكره ولو زاكر شويه بيزهق بسرعه وبيبقي مشتت

طيب

1: حب ما تزاكر حتي تزاكر ما تحب

...

ما تيجي نفكر كدا ليه احنا مش بنحب المذاكرة

هتلاقي ان الاسباب كلها حاجات ملهاش دعوة بالمذاكرة نفسها

دلوقتي ممكن حد يقول مثلا اصل انا بحب الخروج او ببقي عاوز انام

طيب و دا ايه علاقته بالمذاكرة نفسها

و بعدين كون انت عندك حاجة بتحبها اكتر من المذاكرة دي ميزة ممكن تستغلها لمصلحتك

هقولك ازاي ؟؟؟

اعمل مع نفسك اتفاق

و خلي الاتفاق دا كالتالي

(انهرده ان شاء الله هنذاكر 3 ساعات هنذاكر فيهم كذا و كذا و كذا و لو خلصنا المهمة دي هنخرج)

2: حدد نيتك

لازم يكون عندك نيه وتسال نفسك انت بتزاكر ليه

وتحدد اسباب قويه جدا

واكتبها ف اول كل كتاب او ورق بتزاكره

عشان لما تزهق الاسباب دي تحمسك

مثلا انك ترضي ربك وتفرح اهلك وتبقي انسان ناجح فتكون اسره ناجحه

(علشان تبقى مذاكرتك عبادة و تاخد عليها ثواب كمان)

3 : التخطيط

في مقوله بتقول اذا فشلت في التخطيط فقد خططت للفشل

تخيل لو رايح مشوار بس مش عارف الطريق

حتتوه

ده اللي بيحصلنا بالظبط بنتوه لاننا مش مخططين طريقنا من البدايه

يبقي لازم نعمل جدول كبير للمواد بالايام

وجدول صغير يومي للساعات نررتب فيها مزاكرتنا

4 : التركيز

صفي ذهنك قبل المزاكره ومتشغلش نفسك لحاجه قبلها

يعني متبقاش بتزاكر وحاجه تانيه ف مخك لان اكيد حتاخد جزء من مخك للحاجه دي وانت اكيد 

محتاجه

ومتحاولش تزاكر ساعات كتير ع الفاضي وانت زهقان او مشغول بحاجه

لانك كده كده حتنسي معظم اللي زاكرته

لما تزهق قوم خد بريك وارجع

وده حيجي مع التدريب مش من مره

مستوحي من مجموعه قراءات

ل د/ ابراهيم الفقي

منقول من صفحة عالم الصور

دوس هنا..لسه مخلصناش!

قوة الثقة في الذات

 قوة الثقة في الذات

من أنت؟

كيف يراك الناس؟
هل تؤثر فيك نظرة الناس لك؟
لو وبخك أحدهم.. هل ستتغير نظرتك لذاتك؟
نتأثر جميعا بالظروف المحيطة بنا.. بالناس الذين نتعامل
معهم.. بالأحداث التي نتعرض لها كل هذه التجارب تضيف لنا الكثير من
الخبرات التي نتعامل مع العالم من خلالها لكن.. هل تؤثر هذه الظروف
الخارجية في نظرتك لذاتك؟
البعض منا يستمد هذه الثقة من الآخرين
لو ابتسم لك رئيسك في العمل فهذا يعني أنك
شخص رائع.. لو وبخك فهذا يعني أنك في الحضيض و لا داع لحياتك
أساسا هل هكذا تسير الأمور بينك و بين نفسك؟
هل تقديرك لذاتك يعتمد – أساسا – على تقدير الآخرين لك؟
لو كانت الإجابة: نعم.. فاقرأ هذا الموضوع جيدا
كل منا ينظر للعالم من حوله طبقا لمنظوره هو.. لا كما يجب أن يرى العالم
الناس يحكمون على الآخرين طبقا لخبراتهم هم.. لا طبقا لحقيقة الآخرين
كي تفهم ما أعنيه سأحكي لك هذه القصة
كانت هناك قرية صغيرة لم يعرف أهلها التمدن بعد.. وكانوا يسمعون
الأعاجيب عن المدينة وعاداتها المختلفة.. وكانوا يريدون أن يعرفوا حقيقة
ما يسمعون عنه طوال الوقت
وفي أحد الأيام سافر منهم رجلان إلى المدينة.. غابا لفترة ثم عاد واحد
منهم
التفوا حوله و سألوه: كيف وجدت المدينة ؟
كيف هم أهلها ؟؟
ما حقيقة ما كنا نسمع عنه؟
أجابهم الرجل بثقة: لقد ذهبت بنفسي و عرفت الحقيقة.. الحقيقة هي أن
المدينة هي مرتع الفساد وكل أهلها سكيرون لا يدينون بشيء.. لقد
كرهت المدينة
عرف الناس الإجابة التي انتظروها طويلا, فانفضوا و عاد كل منهم لعمله
وبعدها بأيام عاد الرجل الثاني
لم يهتموا بسؤاله عن رأيه, إلا أنهم التفوا حوله حين وجدوا له رأيا لم
يتوقعوه: لقد ذهبت بنفسي و عرفت الحقيقة.. والحقيقة هي أن المدينة
مليئة بدور العبادة وكل أهلها متدينون طيبون.. لقد أحببت المدينة
أصيب الناس بالارتباك.. هل المدينة سيئة أم جيدة؟ هل أهلها طيبون أم
أشرار؟
لم يجدوا مجيبا على هذا الأسئلة إلا حكيم القرية
كان شيخا كبيرا خبر الحياة و عرف الكثير و يثق الجميع في ما رأيه.. كان
هو ملاذهم الوحيد
ذهبوا إليه بالقصة و سألوه: أحدهم قال أن المدينة فاسدة مليئة
بالأشرار.. والآخر قال أنها فاضلة مدينة بالأطهار.. أي منهم نصدق؟
أجاب الحكيم: كلاهما صادق
وحين رأى نظرات الحيرة على وجوههم استطرد: الأول لا أخلاق له لذا
ذهب إلى أقرب حانة حين وصل للمدينة, فوجدها ممتلئة بالناس
بينما الثاني متدين صالح.. لذا ذهب إلى المسجد حين وصل للمدينة,
فوجده ممتلئا بالناس
وأضاف : من يرى الخير فهو لا يرى إلا مافي داخل نفسه.. ومن يرى الشر
فهو لايرى إلا مافي داخل نفسه
هل عرفتي ما أقصد؟
فكر في شخص رائع تحبه.. فليكن نبيا أو ملكا أو قائدا
لو دققت النظر ستجد أن من المستحيل أن يجمع الناس على تقبل
شخص ما.. أيا كان
لأن الناس لا يرون إلا مافي داخل نفوسهم
لذلك لا تكترث كثيرا برأي من يحاول إحباطك.. أنت جيد في جوانب كثيرة
في حياتك و لست في انتظار شخص مثله ليخبرك كم أنت رائع.. لسبب
بسيط
هو أنك تدرك هذا جيدا و لست محتاجا لسماعه من أحد
نظرتك لنفسك هي ما تحدد ما أنت عليه.. لا نظرة الناس لك.

دوس هنا..لسه مخلصناش!

فوبيا الظلام

فوبيا الظلام

فوبيا الظلام

فوبيا الظلام منتشرة على نحو بالغ في جميع انحاء العالم،يعزى ذلك الى خوف الانسان الغريزي من المجهول ...
* تخيَّل نفسك فى مكان ما، لا تألفه جيِّداً، ثم انقطعت الأضواء كلها فجأة، ووجدت نفسك فى قلب الظلام..

ظلام دامس رهيب، يحيط بك من كل جانب، ويرسم فى خيالك عشرات الصور، والأوهام، والمخاوف، ويرهف حواسك حتى لتبدو أية حركة بسيطة أشبه بزحف ثعبان سام، أو انقضاضة خفاش قاتل، أو فحيح عفريت من الجن، أو… أو..

كل هذا سيصنعه عقلك فى قلب الظلام، الذى سيجعلك ترتجف، وترتجف، وربما إلى درجة الرعب..

وهنا تكمن (الفوبيا)..

(فوبيا) الظلام..

و(فوبيا) الظلام هذه هى أكثر أنواع المخاوف المرضية انتشاراً، وتعود أسبابها، فى نظر معظم علماء النفس الأمريكيين، إلى خوف الإنسان الغريزى من المجهول…

أى مجهول..

فمنذ عصور ما قبل التاريخ، كان الإنسان يدرك أنه محاط بمخاوف لا حصر لها..

مخاوف من الأعداء، والوحوش، والحيوانات، والحشرات السامة، وحتى من الطبيعة نفسها..

ولأنه لم يدر أبداً من أين تأتيه الضربة، أصبح يخشى كل من حوله..

وكل ما حوله.

ولأن الظلام غامض ومجهول، ووسائله لا تسمح له بكشف ما يحدث داخله، فقد اعتاد
 الإنسان القديم أن يخشى الظلام، ويخافه، ويتحاشاه بكل الوسائل الممكنة.وربما لهذا، اخترع الإنسان النار، لكى يبدِّد بوهجها ما يحيط به من ظلام، ويخيف أعداءه، ويرى طريقه طوال الوقت..



والواقع أن الحداثة قد أضافت إلى البشر عشرات المخاوف، التى ترتبط كلها بالظلام، وخاصة مع موجة أفلام الرعب، والأشباح، والعفاريت، التى ساعدت خياله على أن يتصوَّر عشرات الأعداء الوهميين، الذين يتحفزون للانقضاض عليه، من كل ركن مظلم..
ونحن نساهم كثيراً فى زرع (فوبيا) الظلام، فى نفوس أبنائنا وبناتنا، عندما نروى لهم قصص الجن والعفاريت وغيرها..
والخوف المرضى من الظلام يتشارك مع خوف آخر، على نحو متلازم فى كثير من الأحياء، ومنفصل فى أحيان أخرى، وهو الخوف من الأماكن المغلقة..
وتلازم الخوف من الظلام مع (فوبيا) الأماكن المغلقة يعود أيضاً إلى خشية الإنسان الشديدة من الموت، إذ تبدو له الأماكن المغلقة أشبه بالقبر، فإذا ما أضيف إليها الظلام، تضاعفت الصورة، وتضخَّمت، وبلغت حد الانهيار..

وفى حالات عديدة، أصيب أمثال هؤلاء المرضى بجنون مطبق، بعد بقائهم لخمس ساعات فقط، فى أماكن مظلمة مغلقة، و97% منهم أصابهم هذا داخل مصاعد معطلة، أثناء حالات انقطاع التيار العرضية..

وهلع المصاعد هو الصورة المثلى، والأكثر انتشاراً، لمرضى (فوبيا) الأماكن المغلقة، فبالنسبة لهذه الفئة، يعتبر المصعد مجرَّد قبر متحرِّك، حتى أنه هناك حالة مسَّجلة لمواطن أمريكى، ظل طيلة عمره يقيم فى أدوار منخفضة، أو فى منازل مستقلة، من طابق أو طابقين على الأكثر، وكان يرفض العديد من الوظائف الممتازة، على الرغم من كفاءته الشديدة؛ لمجرَّد أن الشركات التى تلقى عروضها، تحتل بعض الطوابق العليا، فى ناطحات سحاب شاهقة، وعندما قبل أخيراً عرضاً لشركة (ميكروسوفت)، فى فرع لها، فى الطابق الخامس من بناية كبيرة، ظل طوال فترة عمله فيها يصعد إلى مكتبه عبر درجات السلم، ولم يستقل المصعد مرة واحدة..

وهناك حالة مسجلة أخرى لمريضة شابة، لم تصعد منفردة فى أى مصعد قط، حتى أنها كانت تقف إلى جوار أى مصعد لساعات، حتى يظهر راكب آخر، لتشعر أنها ليست وحدها داخل مصعد مغلق(قبر متحرك كما تصفه).
والخوف من الظلام والأماكن المغلقة، يقود إلى خوف آخر، مشابه أو متلازم، أو ينتمى إلى المجموعة نفسها..

دوس هنا..لسه مخلصناش!