نصايح عشان تستفيد من الميه في رمضان و متعطش

نصايح عشان تستفيد من الميه في رمضان و متعطش ..
دى نصائح عشان تستفيد من ال90000000000000 الف ازازة مية بنشربها قبل الاذان ب10 دقائق بس!


1- من بعد الفطار لحد السحور اشرب مية بكميات قليلة .. السبب فى كده انك لما تشرب كميات مية كتيرة مع بعض جسمك مش هايتسفيد حاجة والاعتقاد ان المية دى مثلا هاتفضل يتسحب منها لحد الفطار وانك ساعتها مش هاتحس بالعطش ده غلط
لان الجسم اوتوماتيك هايتخلص من المية دى لانها زيادة ومش هايحتاجها دلوقتى!
فانك تشرب مية على فترات متباعدة ده هايخلى الخلايا تتشبع كويس بالمية اللى انت محتاجها بجد
مش حمام سباحة فى بطنك :D


2-متحاولش تاكل اكل فيه زيوت كتير او املاح كتير قبل فترات الصيام ,
السبب ان الاكل اللى فيه زيوت كتير او حتى سمنة كتير وملح كتير بيخليك تحتاج لمية اكتر والمشكلة ان على فترات متباعدة
يعنى لو اتسحرت " طعمية مثلا " ورجعت شرب مية هاتحتاج تاني مية فى فترة صيامك ده احساس مباشر بالعطش ... فابعدوا عن الاكل ده تماما


3-دايما فى السحور احصل على فاكهة او خضار كتير ده لان الفاكهة والخضار فيهم الياف هى دى بقى اللى بتساعد على تخزين المية لحين وقت الحاجة جوا جسمك وتخفف الاحساس بالعطش هى عاملة زى العصفورين بحجر ... منها بتسد جوعك وكمان بتساعدك فى العطش ايام الصيام ,


4-اخر حاجة ,لما تيجوا تفطروا , ياريت تبعدوا تماااااااااااااااما عن انكم تشربوا مية ساقعة تلج!
احساسك بالراحة ده لما بتشربها بيتولد نتيجة ان الشعيرات الدموية فى بطنك انقبضت وتقريبا احساسك بيها انعدم, 
ده هايسبب عسر هضم لاى اكل هاتاكله بعد كده
مش بقول تشرب مية سخنة بس , من التلاجة عادى مش لازم تلج وياريت تطلعها قبل الفطار ب5 دقائق تهدى شوية وكلله عشان الصحة,


5- ياريت تبدأ فى الفطار بالشوربة لو موجودة والسلطة برضه ده شئ مهم قبل ماتعمل اى حاجة تانية بعدين كل اصناف السفرة الرئيسية ودائما بشكل تدريجى متنساش ان اولا ده اول يوم صيام ثانيا ان المعدة مش بتبقى بنفس الكفاءة اللى انت متخيلها للهضم
خصوصا انك هاتكون شربت مية كتير جدا ,,,
فياريت تشرب مية ع الفطار على فترات ده برضه عشان لما " بيتكلكع" الاكل جوا بطنك ....
وهايسببلك عسر هضم واحساس بالخمول




بقلم: عبدالله

التسميات : إسلاميات