يا اسرائيل!!

 

يـا اسرائيل أنا مش حـكومة ومش نظـام
ومنيش لسان حافظ كلام ومنيش رئيس
ومنيش ملك حوليه بوليس يضرب سلام

أنا كلمة يمكن عمرهـا عمر البـشر بعـام بعـام
يا اسرائيل أنا ابني مات لما مات معنى السلام
واترمــى وسط الحطــام لما صــابو سهـم غـادر
سهم مفلوت الزمــام..
يــا اســرائيل مبؤلش أبـدا دا حـــرام
لكن بؤول إنو الي مات صاحي بمكانه
في بيت لحم في الخليـل في لبنان
واقف هناك لو تسمعوه ..تسمعــوه
بيؤول محال..
هتهون علينا خضرة أو بحر ورمال
هتهون علينا خضرة أو بحر ورمال
عارفة أنا أبأى مين
أبأى كلمـة كـل عـصر
اسمـي ايه وبكل فخر
اسمـي أعظـم اسـم
اسمي مصر .

التسميات : منوعات