| 
خير البدايات ذكر اسم الله العلىَ العليم ,
===================================
اى شخص فينا بعد استخدامه لويندوز سفن بفتره طويله وتنزيل برامج مهمه لتشغيل الويندوز وحمايته ,, بيلاحظ ان الويندوز أصبح بياخد وقت كبير عند الغلق دا غير رسايل غريبه ممكن تظهرلك ومن ضمنها رساله Force shutdown اللى بتعطلك على قفل الجهاز شويه !
والمشكله دى عندى شخصيا بطريقه غبيه حيث ان جهازى علشان ينفذ أمر الغلق بياخد بالظبط 3 او 4 دقايق على ما يقفل بحس فيهم بالشلل التام ,
بل انى احيانابطفى الجهاز من زر الباور واشترى دماغى !
وبعد التفكير ملياً والبحث فى حلول للمشكله دى لقيت ان معظم الحلول بتبقى حلول جزئيه وان حلت مشكله مبتحلش التانيه ! O.o
وبما ان المشكله بترتبط من الاساس بقيم ملفات الريجسترى اللى بتتغير بتغير البرامج اللى بتسطبها سعادتك على الجهاز بشكل يلائم البيئه الجديده لكل برنامج ..
فالبتالى دا بيزيد الامر تعقيد كل ما بتنزل برنامج على الويندوز !
وفى برامج كتيره بتعمل على اصلاح الريجسترى فقط ..
وكل برنامج بيصلح على قيم تناسبه وبمزاجه هو !
طب ولــــــــــــــيه اوجع دماغى مع البرامج دى ,
وانا فى ايدى انى اخلَص المشكله دى مع نفسى وبطريقه سهله .
وجهازى يفضل زى ماهو مهما اتعاملت فيه احس انه برنس وكأنى لسه منزله ويندوز جديد فى سرعته !
الخُلاصه وعلشان ألخص ومطولش فى الحوارات دى
الموضوع مبنى على 3 أساسيات ,
1) كيفيه عمل نسخه احتياطيه من الريجسترى الخاص بالويندوز .
2) كيفيه ارجاع النُسخه الاحتياطيه المأخوذه مسبقا من ريجسترى الويندوز.
3 ) أداه لارجاع قيم الريجسترى لقيمها الافتراضيه الخاصه بالويندوز .
============================================
اولاً ,, كيفيه عمل نسخه احتياطيه من الريجسترى :
------------------------------------------------------------
اولا من قائمه ستارت نكتب أمر Regedit
كما فى الصوره
http://tiny.cc/g6vygw
هيفتحلك شاشه الريجسترى
http://tiny.cc/z6vygw
وهنا فى شقين للامر دورك انك تنفذ واحد منهم ..
██ إما انك تاخد نسخه باك أب لملفات الريجسترى اللى موجوده فى الجهاز كله
وهتطبق بدون تحديد اى حاجه من الريجسترى
فقط اختار أمر Export كما فى الصوره
http://tiny.cc/l7vygw
وبعدها اختار مكان فى الهاردسك لحفظ نسخه الباك أب فيه وكدا بقى تمام زى الصوره دى
http://tiny.cc/r9vygw
██ او
انك تاخد نسخه باك أب لملفات الريجسترى لملفات النظام فقط لا غير وهى
Hkey_local_machine
من خلال الصوره دى ..
http://tiny.cc/aawygw
( كنصيحه منى امشى تبع الشق الاول ونفذه وهو أشمل وافضل )
وبكده اكون أخدت نسخه احتياطيه من ملفات الريجسترى الخاصه بالويندوز وهو لسه نازل جديد !
░░ الخطوه دى يُفضل انك تعملها بعد ما تنزل ويندوز جديد وتنزل تعريفات الجهاز وتظبط الجهاز بدون اى برامج فقط .. ودى أفضل وضعيه للويندوز يتاخد منه نسخه باك أب للريجسترى لانه بيكون فى حالته الصحيه بدون اى شوائب .. خد نسخه احتياطيه من ملفات الريجسترى وبكدا كأنك معاك نسخه ويندوز احتياطيه مُصغره فى جيبك ░░
==============================================
ثانيا ) كيفيه ارجاع النُسخه الاحتياطيه المأخوذه مسبقا للويندوز .
------------------------------------------------------------
هطبق نفس الخطوات السابق ذكرها فى عمليه الاحتفاظ بنسخه باك أب
ولكن بدل ما هختار أمر Export >>> هختار أمر Import كما فى الصوره
http://tiny.cc/qawygw
وروح على مكان الملف الاحتياطى الخاص بيك .. واختاره واضغط اوك
هيظهرلك شاشه الاسترجاع
http://tiny.cc/5awygw
رستر الجهاز وبكدا هتحس بالفرق ان شاء الله .
================================================
ثالثا) أداه لارجاع قيم الريجسترى لقيمها الافتراضيه الخاصه بالويندوز .
------------------------------------------------------------
فى حاله لو مش عاوز تنزل ويندوز جديد علشان تطبق الموضوع دا .
عندى الحل البديل وهو آداه صغيره بترجع قيم ملفات الريجسترى الخاصه بالويندوز بتاعك
للقيم الافتراضيه الى حد كبير وبكدا يبقى كأنك مسطب ويندوز جديد كريجسترى جديد فقط .
اداه ارجاع القيم الافتراضيه للريجسترى على اللينك دا
http://tiny.cc/Tool
كلمه السر لدخول اللينك ..
Sobhan Allah
نزل الاداه و فك الضغط وسطب الاداه تسطيب عادى .
ولما تفتحها..
هيظهرلك رساله بيخيرك فيها بين اختيارين وهما Yes او No
والرساله معناها انك هل عاوز تعمل نقطه استرجاع للنظام او لآ قبل التغيير فى الريجسترى !
( اضغط Yes لعمل نقطه استرجاع للنظام لاستخدامها فى حاله لو حصل عُطل فى النظام نتيجه العمليه لا قدر الله )
بعدها هيدخلك على شاشه اضغط فيها على اختيار Refresh my windows7 settings
هيظبط الاعدادات حوالى كام دقيقه وبعدها يطلب ريستارت للجهاز .
كدا قيم الريجسترى الخاصه بالويندوز رجعت لآصلها كانك منزل ويندوز جديد .
░░ فى حال اى عطل حصل منك بعد العمليه وحسيت بأخطاء ملهاش معنى
على طول ادخل على System restore من قائمه ستارت ورجع النظام بتاعك لنقطه ما قبل تعديل قيم الريجسترى واللى البرنامج كان سألك على عملها قبل تنفيذ التعديل ░░
==============================================
◄ ملحوظه اخيره ,,
مش شرط اخذ نسخه احتياطيه من الريجسترى يكون مرتبط بموضوع تُقل الجهاز .
ولكنه بردوا بيفيد فى حاله تعرضك للهاك , فلو عملت استبدال لقيم الريجسترى بقيم انته كنت واخدها قبل كدا كنسخه احتياطيه.. فى حاله الهاك عليك ..
فبنسبه 65 % الهاك بيتلاشى من جهازك .
واللى عاوز طريقه تانيه لعمل نسخه احتياطيه واسترجاعها يتابع اللينك دا
http://support.microsoft.com/kb/322756
اتمنى انى اكون أفدتكم بمعلومه
فقط اذكرنى بدعوه عن ظهر غيب كشكر لى ليس إلا .
