| 
**** أ .. ب .. حمايه ****
==========
بدايةً .. الفيس والانترنت لا يحمى المغفلين !
وللاسف اى حد فينا لما بيجى يدخل على اى لينك بيضغط عليه ,
يقوم يعمل شاى ولا يقوم يتهوى فى البلكونه وبعدين ويرجع على ما اللينك يحمل له !
ودا غلط ومينطبقش على اى لينك .
يا جماعه المفروض انك اول ما تضعط على اى لينك حتى لو انته مش شاكك فيه ,, بكل بساطه بعد ما تضغط عليه ,, توجه نظر عينك بعدها مباااشره الى تاب اللينكات اللى بيتحمل فيه اللينك وايدك على زر Escape فى الكيبورد ,
وتشوف وتلاحظ اللينك اللى بيتحمل دا بعينك بمجرد النظر وبسرعه تشوف محتواه وهو بيتحمل ,,
لو لقيت اى امتداد غريب فيه سواء كلمه App او اى امتداد فى نهايته مش تمام
او فى تكوينه بيحتوى على لينك موقع معين وهيتعملك اعاده تحويل منه .
تضغط بسرعه على زر ال Esc علشان توقف تحميل الصفحه وتشوف اللينك دا ايه ظروفه او متفتحوش خالص .
وسبق وحذرنا قبل كدا ان اى لينك مشبوه او شاكك فيه او حتى الفضول واخدك انك تعرف ايه محتواه وبالاخص على الفيس بوك ..
افتحه على متصفح تانى خالص غير المتصفح اللى انته فاتح عليه الفيس بوك حتى لا يتم الضرر بك .
ولو لا قدر الله فتحت اللينك ولقيت انه أبلكيشن وبيطلب منك تفويض النشر فى اى مكان, يبقى حاجه من اتنين ..
يا تقفل الصفحه لانه بكدا هيبقى تطبيق فقط ومش هيبقى فيديو زى ما انته كنت متوقع .
او انك تعمل التفويض بالنشر دا بدل ماهو للفريندز او الكل , اعمله Only me
وبكده حتى لو نشر اى حاجه بأسمك ,, مش هتظهر لاى حد غيرك وبالتالى هتبقى سهل المسح ( وانا لا ارجح الاختيار التانى دا علشان ممكن يكون فيه ضرر بيك بردوا ).
دى خطوات مبدئيه جداااااااااا فى انك تتعرف على محتوى اللينك او تتلاشاه حتى لو حبيت تفتحه ,
وانا عن نفسى بطبق الخطوات دى فى كل شغلى ع النت علشان منضرش واتضرر باى لينك بسهوله .
ارجو التطبيق والحذر فى التعامل مع اللينكات ومع اى حاجه تتنشر على الفيس مهما كانت.
لان حاليا يوجد لينكات من خلالها يتم التعرف ع الIP بتاعك بدون ما تدرى ,
هى فقط وصله تحويل للفيس او اى موقع آخر معروف ولكن قبل ما يتم تحويلك للفيس او الموقع دا بيتم اخذ الIP بتاعك من خلالها وإعطائها للشخص المستفيد وبالتالى سهوله الهاك عليك .
اللهم قد بلغت اللهم فأشهد.
ودا مثال حى لتطبيق منتشر حاليا على الفيس بوك وناس كتير اتضرروا بيه
https://www.facebook.com/photo.php?fbid=367632923291255&set=a.151944518193431.39634.112533725467844&type=1
ياريت من فضلكم نشره وعدم البخل على غيرك بالمعلومه
نحن لا نبخل عليكم بمعلومه .. فا لا تبخلوا على غيركم بها .
نهايةً ..
دعوه لنا بظهر الغيب منكم تكفينا .
وبالله الاستعانه .
المصدر
